Түркістан облысы бойынша Мемлекеттік кірістер департаменті, «Түркістан облысы Түркістан және Кентау қалаларының шекараларын өзгерту туралы» ЖаңаҚазақстан Республикасы Үкіметінің 2018 жылғы 17 шілдедегі № 430 қаулысы негізінде, Түркістан қаласының Шаға, Жаңа Иқан, Ескі Иқан, Үшқайық, Иассы, Ораңғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтерінің және Ащысай ауылы аумағының айналасында орналасқан жалпы алаңы 721745,0 гектар жерді Кентау қаласының шекарасына қосу арқылы Түркістан және Кентау қалаларының шекараларын өзгерту енгізілгенін хабарлайды.  

         Қазіргі таңда, салық төлеушілер мен олардың дербес шоттарын Түркістан қаласы бойынша Мемлекеттік кірістер басқармасынан Кентау қаласы бойынша Мемлекеттік кірістер басқармасына ауыстыру рәсімі жүргізілуде.

Бұл шара белгілі бір уақыт мерзімін алатынын ескере отырып, салықтарды және басқа да міндетті төлемдерді төлеу немесе 15-қараша мерзіміне 2018 жылдың 3-ші тоқсанына салықтық есептілікті тапсыру алдында, салық төлеушілердің тіркеу деректері туралы мәліметті «Салық төлеуші кабинеті» арқылы көріп шығуды ұсынамыз.

         Аталған шара салық төлеушілермен салықтық есептілікті дұрыс тапсырмауының алдын алу, сонымен қатар, төлемдердің тиісті бюджетке дұрыс түсуін қамтамасыз ету мақсатында орын алуда, себебі, Түркістан қаласында тіркеу есебінде тұрмай төленген сома артық төлемнің, Кентау қаласында тіркеу есебінде тұрған жағдайда, салықтық берешегінің пайда болуына әкеліп соғатынына назар аударамыз.

Түркістан облысы бойынша

Мемлекеттік кірістер департаменті